ءتاڭىرتاۋ تورابى   ›   زاڭ تارازى   ›   زاڭنان كەڭەس

bv1946伟德_韦德国际娱乐_国际伟德手机版1946【亚洲极速通道】

ءۇرىمجى قالالىق قوعام حاۋىپسىزدىگى مەكەمەسىنىڭ سايباق رايوندىق بولىمشەسى جاقىندا مىناداي ءبىر دەلونى ءبىر جايلى ەتكەن: ۇرىمجىدەگى ءمالىم ءبىر جوعارى وقۋ ورنىنىڭ 3 - جىلدىق ستۋدەنتى ينتەرنەتتە قارىز اقشا بەرەتىندەردەن قارىز الىپ، ۋاعىندا قايتارا الماعاندىعى سەبەپتى، ەسىمى قارا تىزىمدىككە ەنگىزىلگەن. سونىمەن ول ساباقتاستارىن جانە دوستارىن «ينتەرنەتتەن قارىز الىپ بەرسەڭدەر، پايداسىن بەرەم» دەپ قىزىقتىرىپ، 50 نەشە وقۋشىنى اربىلەپ ينتەرنەتتەن قارىز الدىرعان. سونىمەن اتالعان دەلوعا قاتىستى سوما 800 مىڭ يۋاننان اسىپ كەتكەن. ال قارىز العان 50 وقۋشى بولسا، ازىراق پايدا ءۇشىن باسقالارعا قارىز الىپ بەرىپ، ول ونى ۋاعىندا قايتارماي، وزدەرىنە ۇلكەن اۋرە تاۋىپ العان. قازىر دەلو اشكەرەلەنىپ، قارىز الدىرعان وقۋشى ۇستالعان بولسا دا ول قارىز الىپ بەرگەن 50 وقۋشىنىڭ ەسىمى دە قارا تىزىمدىككە ەنگىزىلىپ كەتكەن.
كەزەكتە، ستۋدەنتتەردىڭ ينتەرنەتتەن قارىز الۋى «موداعا» اينالعان قوعامدىق ماسەلەنىڭ ءبىرى. قازىر كوپتەگەن اتا - انالار سىرت جەردە وقىپ جاتقان بالالارىنا تۇرمىس قاراجاتىن كوپ بەرۋدەن دە، از بەرۋدەن دە قورقادى. كوپ بەرەيىن دەسە، بالاسى اقشانى بەتالدى شاشىپ، جامان ۇيرەنىپ كەتە مە دەپ ۋايىمدايدى، ال از بەرەيىن دەسە، قينالىپ قالۋىنان الاڭدايدى. ەندەشە، ستۋدەنتتەردىڭ ايلىق تۇرمىس قاراجاتى قانشا يۋان مولشەرىندە بولسا بولادى؟ ستۋدەنتتەردىڭ ايلىق تۇرمىس شىعىنى اتا - انالارى بەرگەن قاراجاتتان اسىپ كەتسە قايتەدى؟ 
قوعامنىڭ دامۋىنا ىلەسىپ، ينتەرنەتتەن قارىز الۋ ستۋدەنتتەردىڭ داعدىلى ادەتىنە اينالدى، كەيبىر ستۋدەنتتەر مۇنداي جاڭاشا «تۇتىنۋ» ءتۇرىن ۋاقىتتىق قيىنشىلىعىن شەشۋدىڭ جولى ەتىپ العان. ەلىمىزدەگى 50 دەن استام جوعارى وقۋ ورنىن نەگىزگە الىپ، ستاتيستيكالىق تەكسەرۋ جۇرگىزۋدىڭ ناتيجەسىنە قاراعاندا، %62.77 ستۋدەنت ينتەرنەتتەن مەرزىمگە ءبولىپ قارىز العان. مۇنىڭ ىشىندە العان قارىز سوما مولشەرى 1000 يۋاننان تومەنگىلەرى %40.7تى، 1000 يۋاننان 2000 يۋان ارالىعىندا قارىز العاندار %40.12تى،5000 يۋاننان جوعارى قارىز العاندار %5.23 ۇستاسا، %54.7 ستۋدەنتتىڭ ءار ايدا 100 يۋاننان 300 يۋانعا دەيىن قارىز قايتاراتىنى انىقتالعان. العان قارىزدارىن قايتارۋ ءۇشىن كەيبىر ستۋدەنتتەر سىرتتاي جۇمىس ىستەپ قينالسا، ەندى ءبىر ءبولىم ستۋدەنتتەر ايلىق تۇرمىس قاراجاتىنان، تاماق قاراجاتىنان ىركۋ تاسىلىمەن قارىز قايتارادى ەكەن.
ينتەرنەتتەن قارىز الۋدىڭ پايدالى جانە زياندى جاقتارى بار. ستۋدەنتتەر جونىنەن العاندا، ينتەرنەتتەن قارىز الۋ ۋاقىتتىق قيىنشىلىقتى شەشكەنىمەن، ولاردىڭ ەشقانداي ەكونوميكالىق كىرىسى جوق بولعاندىقتان، العان قارىزىن قايتارا الماي، كوپتەگەن اۋرەگە جولىعاتىنى انىق. 
شينجياڭ كاسىپتىك ۋنيۆەرسيتەتىنىڭ دوتسەنتى امانگۇل مۇسا بىلاي دەدى: قازىر جوعارى مەكتەپتەردە قيىنشىلىعى بار وقۋشىلارعا كومەك كورسەتۋ ءتۇزىمى جولعا قويىلدى. تۇرمىسىندا قيىنشىلىعى بار وقۋشىلار وقۋ قاراجاتى مەن جامباساقى قاراجاتىن بانكەدەن «وقۋعا كومەك قارىز اقشاسىن» الۋ جولىمەن ءبىر جايلى ەتسە، تۇرمىس قاراجاتىن مەملەكەتتىڭ وقۋ جاردەم قاراجاتىنا ءوتىنىش ەتۋ جولىمەن شەشۋىنە بولادى. مۇنان سىرت، وقۋ ورىندارىنىڭ كوبىندە وتباسىندا قيىنشىلىعى بار وقۋشىلارعا جاردەم كورسەتۋ ءۇشىن وقي ءجۇرىپ سىرتتاي جۇمىس ىستەۋىنە ىڭعايلى جاعدايلار دا قاراستىرىلعان. 
− قازىر ستۋدەنتتەر اراسىندا ينتەرنەتتەن قارىز الۋ جاعدايى ەتەك الىپ بارادى. الايدا ينتەرنەتتەن قارىز الۋدا الدامشىلىق، جوعارى ءوسىم الۋ... سياقتى جاسىرىن حاۋىپ - قاتەرلەر دە بار، سوندىقتان ستۋدەنتتەر كوزسىزدىكپەن باسقالارعا ىلەسپەۋى، اتاق - ابىروي قۋىپ، اقشانى بەتالدى شاشۋعا ادەتتەنبەگەنى ابزال. اتا - انالار دا جوعارى وقۋ ورىندارىندا وقىپ جاتقان بالالارىنىڭ قالىپتى تۇتىنۋ ادەتىن قالىپتاستىرۋىنا جەتەكشىلىك ەتكەنى ءجون، - دەدى ءۇرىمجى قالاسى سايباق رايوندىق پروكۋراتۋرا مەكەمەسىنىڭ قىزمەتكەرى حۇرشيدا ءومار ينتەرنەتتەن قارىز الۋدىڭ قاتەرلى جاقتارىن دا ەسكەرتىپ.
اۆتونوميالى رايوندىق بانكەلەردى باقىلاۋ مەكەمەسى زاڭ - ءتۇزىم باسقارماسىنىڭ باستىعى ابىلەكىم امەت بىلاي دەدى: بانكەلەردى باقىلاۋ كوميتەتى جاقىندا جەر - جەردەگى بانكەلەرگە ۇقتىرۋ ءتۇسىرىپ، ينتەرنەتتىك قارىز جۇيەسىن تارتىپكە سالۋ، قارىز قايتارۋ قۋاتى جوق ستۋدەنتتەرگە جانە 18 جاسقا تولماعاندارعا قارىز بەرمەۋ، ينتەرنەت قارىزىن الدامشىلىق تاسىلدەرمەن ۇگىتتەۋدىڭ الدىن الۋ، سونداي - اق ءتۇرى وزگەرگەن جوعارى ءوسىمدى قارىز بەرۋدەن ساقتانۋدى ورتاعا قويدى. مەنشە، ستۋدەنتتەردىڭ ينتەرنەتتەن قارىز الىپ، ورىنسىز زيانعا ۇشىراۋىنىڭ الدىن الۋ ءۇشىن بۇل شارالار جەتكىلىكسىز، سوندىقتان ستۋدەنتتەرگە، ءبىر جاعىنان، زاڭ جانە يدەيا - ءمورال تاربيەسىن كۇشەيتىپ، قارىز الۋدىڭ ارتىنداعى قاتەرى تۋراسىندا ءتالىم - تاربيە بەرۋ كەزەك كۇتتىرمەيتىن كوكەي كەستى ماسەلە. ءادىليا تاراۋلارى دا ستۋدەنتتەردى شىرعالاعان زاڭسىز قارىز بەرۋشىلەرگە ءتىپتى دە قاتاڭ سوققى بەرۋلەرى كەرەك. 
«شينجياڭ زاڭ گازەتىنەن» ىقشامداپ اۋدارعان: قالياكبار ۇسەمقان ۇلى
جاۋاپتى رەداكتور : نۇرجان مينۋار قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.
  • ورتا تازالىق جۇمىسشىلارىنا جىلۋلىق جەتكىزدى
  • التاي ايماقتىق قار - مۇز ساياحاتى جانە 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ قيمىلى شىمىلدىعىن اشتى
  • التاي قالاسىنىڭ 12 - كەزەكتى ادامزاتتىڭ بايىرعى قارشاڭعى مەكەنىن ەسكە الۋ ارناۋلى ادەبيەت-كوركەمونەر ساۋىق كەشى قويىلدى
  • التاي ايماعى ءدامدى تاعامدار باسەكەسىن وتكىزدى

ءوتىمدى اقپارات

بىزبەن بايلانىس جارناما قىزمەتى لەبىز قالدىرۋ ءبىز تۋرالى