ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

bv1946伟德_韦德国际娱乐_国际伟德手机版1946【亚洲极速通道】

  ءتىلشىمىز جاۋ جۇن   «راقىمەت، ساعان ءامينا». «و، نەدەگەنىڭىز، بۇل قىستاقتاعى <ءۇنحات الەۋمەتتىك يگىلىك توبىنداعى> توراپتاستاردىڭ اتاعان جىلۋى». 18 - جەلتوقساندا، ءۇرىمجى قالاسى ميدۇڭ رايونى چاڭشانزى قالاشىعى جاڭا ءمالى قىستاعىنىڭ مۇمكىندىگى شەكتەۋلى قىستاق تۇرعىنى شۇي شياڭگۇي امينانىڭ اكەلگەن ۇنىنا، كۇرىشىنە، مايىنا، 300 يۋان اقشاسىنا قاراپ، اسەرلەنگەنىنەن ونىڭ قولىن قىسىپ تۇرىپ، ءالسىن - ءالى راقىمەتىن ايتىپ جاتتى.   شۇي شياڭگۇي جاڭا ءمالى قىستاعىنداعى «ءۇنحات الەۋمەتتىك يگىلىك توبىنىڭ» اتاعان جىلۋىنان يگىلىكتەنۋشىلەردىڭ ءبىرى عانا، جاڭا ءمالى قىستاعىنىڭ «ءۇنحات الەۋمەتتىك يگىلىك توبى» قۇرىلعان ءبىر جىلدان بەرى، 10نان استام قىستاق تۇرعىنى «ءۇنحات الەۋمەتتىك يگىلىك توبىنىڭ» ازدى - كوپتى جىلۋ اقشاسىنان يگىلىكتەندى، تۇتاس شينجياڭ بويىنشا، ءتىپتى، ىشكى ولكەلەردە 40تان استام ءار ۇلت وتباسى «ءۇنحات الەۋمەتتىك يگىلىك توبىنىڭ» كومەگىنە يە بولدى.   2016 - جىلى اقپاندا، جاڭا ءمالى قىستاعىنىڭ تۇرعىنى ءامينا مەن ونىڭ دوستارى، قىستاق تۇرعىندارى جاڭا ءمالى قىستاعىنىڭ «ءۇنحات الەۋمەتتىك يگىلىك توبىن» قۇرادى. «ءۇنحات توبى قۇرىلعان ءبىرىنشى كۇننىڭ وزىندە - اق 120 ادامنىڭ قوسىلاتىنىن ويلاماپپىن، بۇنىڭ ىشىندە قىستاق تۇرعىندارى بولىپ قانا قالماستان، گانسۋدان، نيڭشيادان كەلگەن ەرىكتىلەر دە بار»، - دەدى ءامينا، قيىنشىلىعى بار وتباسىلارعا كومەكتەسۋ ونىڭ تالايدان بەرگى ارمانى ەكەن، بۇعان 20 نەشە جىلدىڭ الدىندا ونىڭ وتباسىندا تۋىلعان ءبىر رەتكى اپات سەبەپكەر بولىپتى.   1994 - جىلى، ءامينا مەن كۇيەۋى تۋعانىنا ەندى عانا 14 كۇن بولعان ءبىر حانزۋ تاستاندى بالانى اسىراپ الادى، وعان قالچان دەپ ات قويادى. سول جىلى كۇزدە، ەندى عانا 7 ايعا تولعان كىشكەنتاي قالچان ىستىق سۋ قۇيىلعان شەلەكتى قاعىپ كەتىپ، كەۋدەسى، وڭ بىلەگى، وڭ اياعى، وڭ اياعىنىڭ باشپايى ءبىرىنشى دارەجەدە كۇيىپ جارالانىپ، دەرەۋ شيپاحاناعا جەتكىزىلىپ ەمدەلەدى ءارى شيپاحانادا ەمدەلۋ جارىم جىلعا دەيىن سوزىلادى. ونىسىزدا ءۇپى - ءتاپى تۇرمىس كەشىپ وتىرعان ءامينا وتباسىنا بۇل رەتكى اپات قاتتى تيەدى. تۇرمىس پەن قىزىنىڭ ەمدەلۋ اقىسىنا باسى قاتىپ، قايتەرىن بىلمەي وتىرعان ءامينا وتباسىنا قىستاق پارتيا ياچەيكاسى، ساقا پارتيا مۇشەلەرى، شيپاحانانىڭ سەسترالارى سياقتىلار قوعامنىڭ ءار سالاسىنان بەلسەنە جىلۋ اتاپ، وسى وتباسىنىڭ قيىنشىلىق قىسپاعىنان وتۋىنە كومەكتەسەدى. «ۋاڭ فاميليالى ءبىر سەسترانىڭ مەنىڭ شيپاحانادا بالاعا قاراپ جاتقان كەزىمدە اقشانىڭ جوقتىعىنان تاماق ىشە الماي وتىرعانىمدى كورىپ، ءوز قالتاسىنان اقشا شىعارىپ ماعان تاماق اكەلىپ بەرگەنى ءالى ەسىمدە. مەنىڭ جاعدايىمدى ەستىگەننەن كەيىن، كوپتەگەن مەيلى تانىس نەمەسە جات ادامدار بولسىن، ەمحاناعا كەلىپ امانداستى ءارى حال سۇراۋ اقشاسىن بەردى». تالاي جىلدار وتسەدە، سول كەزدەگى كورىنىستەر ءامينانىڭ ءالى ەسىندە ەكەن. ول بىلاي دەدى: سول كەزدەگى مەيىرگە تولى ىستىق ىقىلاستار، قويۋ ۇلتتىق سۇيىسپەنشىلىكتەر قاي - قاشان دا كوكەيىمنەن كەتپەيدى، ونى ۇمىتا المايمىن.   سودان باستاپ، ءاميناعا كەيىن، ءسوز جوق، باسقالارعا قولدان كەلگەنىنشە كومەكتەسۋ ويى تۋادى. 2016 - جىلى جاڭا ءمالى قىستاعىنىڭ «ءۇنحات الەۋمەتتىك يگىلىك توبى» قۇرىلادى، توپتىڭ مۇشەسى ەڭ كوپ بولعاندا 500گە جەتىپ، جىلىنا اتاعان اقشاسى مەن زاتى 10 مىڭ يۋاننان اسادى ءارى اتالعان اقشا مەن زاتتار تۇگەلدەي قيىنشىلىعى بارلارعا كومەكتەسۋگە ىستەتىلەدى. بيىل، ميدۇڭ رايونى عىلىم - تەحنيكا مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا جاڭا ءمالى قىستاعىندا تۇراتىن قىزمەت اترەتىنىڭ باستىعى، جاڭا ءمالى قىستاعى پارتيا ياچەيكاسىنىڭ ءبىرىنشى شۋجيى ما ياۋجوۋدىڭ جەتەكشىلىگىندە جاڭا ءمالى قىستاعىنىڭ «ءۇنحات الەۋمەتتىك يگىلىك توبىن» باسقارۋ ونان ارى ارناعا ءتۇسىپ، جىلۋ اتاۋشىلاردىڭ، كومەككە يە بولۋشىلاردىڭ ينفورماتسياسى ءۇنحات توبىنا دەر كەزىندە جاريالانادى، توراپتاستار كومەككە يە بولعان وتباسىلاردىڭ ۇيىنە بارىپ حال سۇرايدى.   «<ۇعىسۋ، تيىمدىلىك جاساۋ، توعىستىرۋ> قيمىلى بويىنشا قىستاقتا تۇراتىن قىزمەت اترەتىنىڭ مۇشەلەرى جانە تۇرعىندار كوميتەتىنىڭ كادرلارى تۇگەلدەي وسى توپتا»، - دەدى ءامينا تىلشىگە، ءبىر جىلدان بەرى، وسى «ءۇنحات الەۋمەتتىك يگىلىك توبى» قىستاق تۇرعىندارىنىڭ قىزۋ قولداۋىنا يە بولادى، توپقا كىرەتىن جاستار بارعان سايىن كوبەيەدى. ولار قىستاقتا مەيىر باعىشتاۋ، جىلۋ اتاۋ قيمىلىن ورىستەتكەن كەزدە قىستاق تۇرعىندارى جابال جىلۋ اتاپ قانا قالماستان، كەيبىر كەدەي وتباسىلارى، ءتىپتى «5 ءتۇرلى قارتتاردىڭ» دا بەلسەنە جىلۋ اتاعانى ءامينانى قاتتى اسەرلەندىرىپتى. بۇل كۇندەرى، قيىنشىلىق بولسا قىستاق تۇرعىندارى ءوزارا كومەكتەسىپ، ءوزارا سۇيەمەلدەيدى، ءار ۇلت كورشىلەرى تاتۋ - ءتاتتى، بەرەكەلى وتەدى، ۇلتتار ىنتىماعىنىڭ بەرەكەلى شاڭىراعى سىندى داۋىرلىك باستى اۋەن جاڭا ءمالى قىستاعىندا سالتقا اينالدى.  ءامينا بىلاي دەدى: مۇعالىمدار كىشكەنتايىمىزدان باستاپ بىزگە «باسقالارعا گۇل بەرسەڭ، قولىڭدا ءيىسى قالادى» دەپ تاربيە ايتاتىن. ەگەر بارلىعىمىز وسىلاي ىستەسەك، ءبىزدىڭ قوعامىمىز، ءسوز جوق، اناعۇرلىم جاراسىمدى، اناعۇرلىم كوركەم بولار ەدى.
جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.
بىزبەن بايلانىس جارناما قىزمەتى لەبىز قالدىرۋ ءبىز تۋرالى