ءتاڭىرتاۋ تورابى   ›   جاڭالىقتار   ›   اۋىل تىنىسى

bv1946伟德_韦德国际娱乐_国际伟德手机版1946【亚洲极速通道】

  باقىتالى سەيىتحان ۇلى حابارلايدى. پارتيانىڭ شۇعىلالى ساياساتىنىڭ ارقاسىندا كەڭ - بايتاق اۋىل - قىستاقتا بۇرىن - سوڭدى بولماعان وزگەرىستەر جارىققا شىعىپ جاتىر. اۋىل - قىستاقتا قۇرىلعان ەڭسەلى بالاباقشالار وسىنىڭ ءبىر كۋاسى ىسپەتتى.   وسى قاتاردا قۇرىلعان شاپشال اۋدانى سەگىزسۇمىن اۋىلى شاعانبۇلاق قىستاعى بالالار باقشاسى 2016 - جىلى جەلتوقسان ايىندا پايدالانۋعا بەرىلگەن - دى. ۇستەگى جىلى جەلتوقساننىڭ 29 - كۇنى باقشانىڭ قۇرىلعانىنا ءبىر جىل تولۋ بايلانىسىمەن وتكىزىلگەن جاڭا باقشانىڭ تۇڭعىش رەتكى جاڭا جىل مەرەكەسىن قارسى الۋ قيمىلىنا كۋا بولدىم.   اتا - انالار قىستىڭ قاقاعان سۋىعىن ەلەمەي توپ - توبىمەن كەلىپ جاتتى، جۇزدەرىنەن كۇلكى ۇيىرىلگەن سابيلەردىڭ قۋانىشىندا شەك جوق. بۇدان بۇرىن بالاباقشا بولماعان قىستاق بۇقاراسى ءۇشىن بۇل ۇلكەن قۋانىش ەدى. قيمىلعا اتا - انالار، وقىتۋشىلار، جۇمىسشى - قىزمەتشىلەر، نەگىزگى ساتىعا تۇسكەن كادرلار بولىپ 300 گە تارتا كورەرمەن جينالدى، رەتتى دە كوركەم جوبالانعان جيىن زالى قويۋ مەرەكەلىك تۇسكە ەندى.
  اۋەلى بالالار باقشاسىنىڭ جاۋاپتىسى باقشانىڭ ءبىر جىلدىق قىزمەت جاعدايىن قىسقا دا نۇسقا تانىستىرىپ ءوتتى. ىلە – شالا بالاباقشا وقىتۋشىلارى مەن وقۋشىلارىنىڭ ازىرلەگەن ويىن نومىرلەرى باستالدى. وندا بالدىرعاندار «ۇلتتار ىنتىماعىنىڭ بەرەكەلى شاڭىراعى»، «مەن جۇڭگو ۇلانىمىن»، «اتا مەكەنىمدى سۇيەمىن»، «بارلىعىمىز ءبىر ءۇيلى جاندايمىز» سياقتى تارتىمدى دا كوركەم ويىن نومىرلەرىن بالداي ءتاتتى تىلىمەن ورىندادى، وقىتۋشىلار دا وزدەرى ازىرلەگەن ويىن نومىرلەرىن كورسەتتى. كورەرمەندەر اسا ريزاشىلىقپەن «وي، بارەكەلدىسىن» ايتىپ القادى.   قيمىل ارالىعىندا زەينەتكە شىققان مۇعاليما اقيقات ءومىرالى قىزى مىڭ يۋان ناق اقشا؛ ايساقان كەنجەبەك قىزى، نۇرگۇل ابىلاكىم قىزى باقشاداعى وتباسى قيىنشىلىعى بار بالالاردىڭ كيىم – كەشەك، تۇرمىستىق بۇيىم الۋلارىنا كومەك قاراجات بەرىپ، جەتكىنشەك ۇرپاقتاردىڭ باي - باقىتتى زاماندا الاڭسىز وقىپ، پارتيا مەن حالىقتىڭ ءۇمىتىن اقتاۋىنا تىلەۋلەستىك ءبىلدىردى.
  قيمىل ارەدىگىندە بالاباقشاسىنىڭ باستىعى ايجان توقتاسىن قىزىنان ۇعىسۋىمىزشا، باقشادا حانزۋ، قازاق بولىپ 16 وقىتۋشى، تاربيەشى قىزمەت ىستەيدى ەكەن، شارۋالاردىڭ 169 پەرزەنتى ءتالىم الىپ جاتىپتى، كولەمى 1051 شارشى مەتر كەلەتىن باقشادا جالپى 5 كلاس بار بولىپ، ونداعى قۇرىلعىلار ءبىرشاما تولىق ءارى كەمەلدى ەكەن.   قيمىلعا قاتىناسقان اتا - انالاردىڭ ۋاكىلى كەۋەرقان ارىنبەك قىزى «وسى رەتكى قيمىل ءماندى دە ءساندى بولدى، پارتيا مەن ۇكىمەتتىڭ قامقورلىعىنا كوپتەن كوپ راقىمەت، باقشانىڭ قۇرىلۋى ءبىز ءۇشىن دە وتە قولايلى بولدى، ۇرپاقتارىمىزدىڭ جۇيەلى تاربيە الۋىنا، ءبىزدىڭ جۇمىس ىستەۋىمىزگە اسا ءتيىمدى شارت - جاعداي ازىرلەدى»، - دەپ پارتيا مەن ۇكىمەتكە شەكسىز العىسىن ءبىلدىردى.
  ءتىلشىنىڭ قىزمەت ورنى: «ىلە كەشكى گازەتى» مەكەمەسى
جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.
  • سايرام كولىن اينالۋ ۆەلوسيپەد جارىسى شينجياڭ بۇراتالا موڭعۇل اۆتونوميالى وبلىسىنىڭ ساياحاتىنىڭ دامۋىنا قانات ءبىتىردى
  • 61 جاستاعى قارت توراپتا كەڭىنەن تارالعان ءبيدى ۇيرەندى
  • «ساياحات+دەنەتاربيە» ساياحات ساپاسىن جوعارىلاتتى
  • اۆتونوميالى رايون زەينەتكەرلەردىڭ نەگىزگى زەينەتاقىسىن رەتتەيدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى