ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

bv1946伟德_韦德国际娱乐_国际伟德手机版1946【亚洲极速通道】

  − اۆتونوميالى رايوننىڭ ۇلتتار ىنتىماعىنىڭ «تۋىستاسۋ اپتالىعى» قيمىلى تۋرالى تولعانىس   بۇقاراعا قانشا جاقىن بولساڭ، بۇقارا سەنىمەن سونشا ەتەنە بولادى.   بۇقارانى كوڭىلىڭنىڭ تورىنە قويساڭ، بۇقارا دا سەنى كوكەيىندە ساقتايدى.   2017 - جىلى اۆتونوميالى رايوننىڭ ۇلتتار ىنتىماعىنىڭ «تۋىستاسۋ اپتالىعى» قيمىلى (ارى قاراي «تۋىستاسۋ اپتالىعى» قيمىلى دەلىندى) اقىرلاسۋعا تايادى. وسى قيمىلعا قاتىناسقان شينجياڭنىڭ ميلليونعا جۋىق كادر - قىزمەتشىلەرى ءۇشىن ايتقاندا، «تۋىستاسۋ اپتالىعى» قيمىلى وسى جىلدىڭ سىرگە جيارى ەسەبىندە بولدى، ولاردىڭ ءار ۇلت بۇقاراسىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنگەن ساتتەرى 2017 - جىلدىڭ جارقىن ءبىر پاراعى رەتىندە جازىلدى.   بۇل بۇقارامەن تىعىز بايلانىس ورناتقان، كادرلار ستيلىنىڭ ۇزدىكسىز بۇرىلىس جاساۋىن ىلگەرىلەتكەن ۇندەۋ حات.   بۇل ۇلتتار ىنتىماعىن نىعايتقان، شينجياڭ قىزمەتىنىڭ باس نىساناسىن تياناقتاندىرعان سيمفونيا.   20 نەشە كۇنگە جالعاسقان «تۋىستاسۋ اپتالىعى» قيمىلى بىزگە تەرەڭ وي تولعانىسىن سيلادى: ءبىز تاماشا ستيلمەن ءار ۇلت بۇقاراسىن تىعىز ۇيىستىرا بىلسەك، ۇلتتار ىنتىماعىنىڭ ىرگە تاسىن، ءسوز جوق، بەكەمدەي الامىز، قوعام ورنىقتىلىعى مەن باياندى تىنىشتىق باس نىساناسىنىڭ تامىر تارتىپ، وركەن جايۋىنا، ءسوز جوق، مۇمكىندىك جاساي الامىز، وتاننىڭ شينجياڭىن، ءسوز جوق، اناعۇرلىم كوركەم ەتىپ قۇرىپ شىعا الامىز.   (1)   حالىقتىڭ ىقىلاسىنا بولەنگەن ادامنىڭ قاشاندا ءجۇزى جارىق، حالىق قالاۋى − ەڭ ۇلكەن ساياسي. ۇلتتار ىنتىماعىنىڭ دابىرالى، دۋماندى «تۋىستاسۋ اپتالىعى» قيمىلى بىزگە مىناداي وي تاستادى: قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا، ءبىز، ءسوز جوق، ءار ۇلت بۇقاراسىمەن ءبىر جاعادان باس، ءبىر جەڭنەن قول شىعارىپ، توننىڭ ىشكى باۋىنداي ەتەنە بولۋىمىز، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرۋىمىز كەرەك.   بۇگىنگى شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ جاعدايى ءالى دە قاتاڭ، كۇردەلى، دامۋ مىندەتتەرى اۋىر ءارى ماشاقاتتى، وتاننىڭ تۇتاستىعىن قورعاۋ، قوعام ورنىقتىلىعىن قورعاۋ، ۇلتتار ىنتىماعىن قورعاۋ تۇگەلدەي پارتيا مەن مەملەكەت ىستەرىنىڭ جالپى جاعدايىنا ساياتىن ءىرى ىستەر، ول قالىڭ بۇقارالىق نەگىزدەن ايرىلا المايدى.   «3 ءتۇرلى كۇش» شينجياڭداعى ءار ۇلت حالقىنىڭ ورتاق جاۋى، ستيل شىنايى بولماۋ ءبىزدىڭ ونان دا ۇلكەن جاۋىمىز، بۇل ماسەلەگە، ءسوز جوق، ايرىقشا ءمان بەرۋىمىز، بۇل ماسەلەنى كۇش سالىپ شەشۋىمىز كەرەك. باس نىسانانى جۇزەگە اسىرۋ ساياسيدا بەرىك، قابىلەتى كۇشتى، ستيلى جاقسى، جوعارى ساپالى كادرلار قوسىنىن ەرەكشە قاجەت ەتەدى، پارتيانىڭ تاماشا ستيلىن اسقاقتاتىپ، پارتيانىڭ حالىق بۇقاراسىمەن بايلانىسىن بارىنشا ەتەنە قىلىپ، ءار ۇلت بۇقاراسىن ءتىپتى دە جاقسى ىنتىماقتاستىرىپ، ۇيىستىرىپ، قامال الىپ، قيىندىقتى جەڭەتىن قۋاتتى كۇش قالىپتاستىرۋدى ەرەكشە قاجەت ەتەدى.   وسىنداي قوسىندى ءتىپتى دە ويداعىداي قالىپتاستىرۋ ءۇشىن، 2017 - جىلدىڭ باسىنان بەرى، اۆتونوميالى رايون «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتىپ، مىنانى ايقىن تالاپ ەتتى: ءاربىر باسشى كادر حالىقپەن ەتەنە ادام بولىپ، ءارقاشان حالىقتىڭ جوعىن جوقتايتىن، حالىقتى سۇيەتىن، حالىق ءۇشىن قىزمەت ەتەتىن، حالىققا پايدا جەتكىزەتىن كۇشتى نيەتپەن ءار ۇلت حالقىن جۇرەگىنىڭ تورىنە شىعارىپ، حالىقتىڭ ويىن، حالىقتىڭ نيەتىن، حالىقتىڭ تىلەگىن ارقاۋ ەتە وتىرىپ، ناقتى ىستەر، جاقسى ىستەر ىستەپ، بۇقارامەن تىكەلەي بايلانىس ورناتۋ، بۇقاراعا تىكەلەي قىزمەت ەتۋ ءتۇزىمىن تياناقتاندىرىپ، ءار ۇلت حالقىن پارتيا مەن ۇكىمەتتىڭ توڭىرەگىنە بارىنشا ىنتىماقتاستىرۋ كەرەك.   «كەرەك - جاراقتارىمدى الىپ، قىزۋ ىنتامەن، سىزگە امانداسقالى بارا جاتىرمىن تۋىسىم». 2017 - جىلى 8 - جەلتوقساندا اۆتونوميالى رايون ۇلتتار ىنتىماعى بويىنشا «تۋىستاسۋ اپتالىعى» قيمىلىن وتكىزۋ جونىندە تەلەۆيزور - تەلەفون ءماجىلىسىن اشىپ، 2017 - جىلى 11 - جەلتوقساننان باستاپ جەلتوقساننىڭ سوڭىنا دەيىن، تۇتاس رايونىمىزداعى ءار دارەجەلى، جەر - جەردەگى، تاراۋلارداعى، ورىندارداعى بارلىق كادرلار مەن جۇمىسشى - قىزمەتشىلەر باسشى كادرلاردىڭ جەتەكشىلىگىندە، بىرنەشە توپتا نەگىزگى ساتىداعى قىستاقتار مەن الەۋمەتتىك اۋماقتارعا بارىپ، ءبىر اپتا بۇقارامەن بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ قيمىلىن ورىستەتىپ، ءار ۇلت كادرلارى مەن بۇقاراسىنىڭ ارالاسۋىن، ىشتەسۋىن، توعىسۋىن ونان ارى جەبەپ، ۇلتتار ىنتىماعى، قوعام ورنىقتىلىعى سىندى تاماشا جاعدايدى بەكەمدەپ جانە دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن بەكەمدەۋدى تالاپ ەتتى.   اتتانىسقا كەلتىرۋ جينالىسى اياقتاعان كۇنى تۇستەن كەيىن، اۆتونوميالى رايوندىق پارتكوم ۇيىمداستىرۋ ءبولىمىنىڭ كادرى سەرلان نۇربولات ۇلى قىزمەتتەستەرىمەن بىرگە ءۇشتۇرپان اۋدانىنىڭ چيانجيڭ قالاشىعىنا كەلدى... سونان كەيىنگى 20 نەشە كۇندە، تۇتاس شينجياڭنان ءبىر ميلليونعا جۋىق كادر، جۇمىسشى - قىزمەتشى «تۋىستاسۋ اپتالىعى» قيمىلى ساپارلارىن باستادى. تيانشان الابىنداعى قىستاقتاردا، الەۋمەتتىك اۋماقتاردا ءار كۇنى ۇلتتار ىنتىماعىنىڭ بەرەكەلى شاڭىراعىنا، كادرلار مەن بۇقارانىڭ ەتەنە سۇيىسپەنشىلىگىنە قاتىستى اسەرلى اڭگىمەلەر جارىققا شىقتى.   دابىرالى، كولەمدى «تۋىستاسۋ اپتالىعى» قيمىلى پارتيا مەن حالىق بۇقاراسىنىڭ ەتەنە بايلانىسىن ساقتاۋدى، بۇقارالىق كوزقاراس پەن بۇقارالىق سۇيىسپەنشىلىكتى نىعايتۋدى مىقتاپ ارقاۋ ەتكەن ءبىر رەتكى توپتىق قيمىل، پارتيا 19 - قۇرىلتايىنىڭ رۋحىن ىشكەرىلەي امالياتتا ايگىلەۋ سانالادى. سونىمەن بىرگە، ول «ۇلتتار ىنتىماعىنىڭ بەرەكەلى شاڭىراعى» قيمىلىن تەرەڭدەتۋ، «ۇيرەنۋ، بۇرىلىس جاساۋ، جەبەۋ» ارناۋلى قيمىلى جونىندەگى كولەمدى پارات سانالادى.   «ءبىر <قىز> تاۋىپ الدىم»، «اۋقاتتانۋ جولىن تاپتىم»، «تۋىسىم ۇيگە كىرىسىمەن جەڭىن قايىرا سالىپ، ماعان كومەكتەسىپ جۇمىس ىستەيدى»... «تۋىستاسۋ اپتالىعى» قيمىلىندا، قالىڭ كادرلار مەن جۇمىسشى - قىزمەتشىلەر شىن پەيىلىمەن، ىستىق ىقىلاسپەن بۇقارا ءۇشىن ناقتى ءىس، جاقسى ىستەر ىستەپ، قيىنشىلىقتارىن شەشتى. ولاردىڭ شىنايى پوزيتسيالارى مەن تاباندىلىقپەن ىستەۋ ستيلى بۇقارانى ءتانتى ەتتى.   شىنايى سۇيىسپەنشىلىكتەرىمەن ىقىلاستى سەنىمگە يە بولدى. قىزىپ تۇرعان پەش، ىستىق شاي، تاپ - تازا كورپە، كەستەلەنگەن جاستىق، وزدەرى ەككەن جەمىس - جەيدەك... «تۋىستاسۋ اپتالىعى» كەزىندە، ءار ۇلت بۇقاراسى شامالارىنىڭ جەتىسىنشە، كادرلار مەن جۇمىسشى - قىزمەتشىلەرگە دەگەن شىنايى سۇيىسپەنشىلىكتەرىن جەتكىزدى. كادرلار مەن جۇمىسشى - قىزمەتشىلەر بۇقاراعا ۇگىت - تاربيە جۇرگىزۋ ارقىلى جەتەكشىلىك ەتتى، سونىمەن بىرگە وزدەرى دە ءار ۇلت بۇقاراسىنان تەرەڭ شابىت الىپ، كوپتەگەن نارسە ۇيرەندى؛ تەك شىن نيەتپەن بۇقارا ءۇشىن قىزمەت ەتسەڭ، بۇقارا دا شىن پەيىلىمەن سەنى قولدايدى.   ستيل قۇرىلىسى ماڭگى جالعاسادى. ءار ۇلت بۇقاراسىنا دەگەن تەرەڭ سۇيىسپەنشىلىكتى الا، تۇتاس شينجياڭداعى ءار ۇلت كادرلارى مەن جۇمىسشى - قىزمەتشىلەر پارتيانىڭ بۇقارالىق لۋشيانىن مىزعىماي سوڭىنا دەيىن دايەكتىلەندىرىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز توپتاستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ قۇرىش قورعانىن مىقتاپ سوقتى.   (2)   «تۋىستاسۋ اپتالىعى» قيمىلى ءبىر رەتكى تۋىستاردىڭ باس قوسۋى، ونان دا ماڭىزدىسى، ءبىر رەتكى حالىق جاعدايىن ۇعىسۋ، ءبىر رەتكى ەگىستىكتى تەكسەرۋ بولدى. ول بىزگە ستيلدە بۇرىلىس جاساۋدىڭ تياناعىنىڭ ناقتى بولۋ ەكەنىن ءتۇسىندىردى.   ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن قۇلشىنا ىلگەرىلەتۋمەن بىرگە، حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، ءبىر توپ حالىق تۇرمىسى ينجەنەرياسىن تياناقتاندىرىپ، اتقاردى، وتە - موتە، حالىققا ءتيىمدى 9 ءىرى ينجەنەريا ىرىس جاڭبىرىنداي تيانشاننىڭ وڭتۇستىگى مەن سولتۇستىگىن شۇرايلاندىردى: اۋىل - قىستاقتارداعى مىندەتتى ەڭبەكتى جاپپاي قالدىرۋ، اۋىل - قىستاقتارداعى مەكتەپكە دەيىنگى 3 جىلدىق تەگىن «قوس ءتىل» وقۋ - اعارتۋىن زور كۇشپەن ىلگەرىلەتۋ، جالپى حالىقتىڭ دەنساۋلىعىن تەكسەرۋدى ورىستەتۋ، قاشقار، حوتان ايماقتارىندا 3 جىلدا 100 مىڭ ادامدى جۇمىسقا ورنالاستىرۋ جوسپارىن باستاۋ... سان مىڭداعان وتباسىلار وسىلاردان تيىمدىلىككە كەنەلىپ، ءار ۇلت بۇقاراسىنىڭ باقىت سەزىمى، كەنەلۋ سەزىمى، حاۋىپسىزدىك سەزىمى كۇن سايىن جوعارىلادى.   دەسەدە، پارتيا 19 - قۇرىلتايىنىڭ بايانداماسىندا: «سونىمەن قاتار قىزمەتىمىزدە ءالى دە ءبىرتالاي جەتەرسىزدىكتەردىڭ ورىن الىپ، ءبىرسىپىرا قيىنشىلىقتار مەن سىندارعا دا ءدوپ كەلىپ وتىرعانىن، ءسوز جوق، سەرگەكتىكپەن كورە ءبىلۋىمىز كەرەك» دەپ اتاپ كورسەتىلگەندەي، جۇڭگوشا سوتسياليزمنىڭ جاڭا داۋىرگە وتكەندە، دامۋدىڭ بىركەلكى، تولىق بولماۋىنداي قايشىلىق تيانشانىڭ وڭتۇستىگى مەن سولتۇستىگىندە ءتىپتى دە ايقىندالا ءتۇستى. شينجياڭنىڭ دامۋى شىعىس بولەكتەگى دامىعان وڭىرلەردەن كەنجە بولىپ قانا قالماستان، اۋىل مەن قالا اراسىنداعى، وڭتۇستىك پەن سولتۇستىك اراسىنداعى، ءارقايسى وڭىرلەر اراسىنداعى دامۋ دا بىركەلكى ەمەس، قالانىڭ دامۋى اۋىل - قىستاقتان جاقسى، سولتۇستىك شينجياڭنىڭ دامۋى وڭتۇستىك شينجياڭنان جاقسى بولۋداي دامۋ جاعدايى جالعاستى ءومىر سۇرۋدە. وتە - موتە، وڭتۇستىك شينجياڭنىڭ اۋىل - قىستاقتارىندا جاراتىلىستىق قورشاعان ورتا ناشار، ەكونوميكانىڭ نەگىزى ءالسىز، كەدەيلەر سانى كوپ، كەدەيلىك دارەجەسى اۋىر، كەدەيلىكتەن قۇتىلدىرۋدان قامال الۋ قيىندىعى زور، بۇلار ءتىپتى دە كوپ قۇلشىنىستار مەن قامقورلىق جاساۋدى قاجەت ەتەدى.   «تۋىستاسۋ اپتالىعى» قيمىلىندا، اۆتونوميالى رايونىمىزداعى ءبىر شيپاحانانىڭ بىرنەشە شيپاگەر - سەستىرالارى حوتانداعى ءبىر اۋىلداستىڭ ۇيىندە تۇرعان بولاتىن. ول اۋىلداسىمىزدىڭ تۇرمىسى جۇپىنى، اۋلاسىنا نەبارى ءبىر قوي، بىرنەشە تاۋىق باعادى ەكەن. اۋىلداسىمىز الىستان كەلگەن تۋىستارىن قويىن سويىپ كۇتپەك بولعاندا، شيپاگەر - سەستىرالار ونى توقتاتادى. ايتسەدە، اۋىلداسىمىز ولارعا بىلدىرمەي تاۋىعىن سويادى. سول تاماقتى وندا بارعانداردىڭ بارلىعى كوزدەرىنە جاس الا وتىرىپ جەيدى.   بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنۋ بارىسىندا، كادر - قىزمەتكەرلەر نەگىزگى ساتىداعى بۇقارانىڭ ىنتالىلىعى مەن قاراپايىمدىلىعىن سەزىنۋمەن بىرگە، دامۋدىڭ بىركەلكى، تولىق بولماۋى تۋدىرعان كەيبىر بۇقارانىڭ تۇرمىسىنداعى قيىنشىلىقتار مەن جاپا - ماشاقاتتى دا ءوز كوزدەرىمەن كوردى، مىنە بۇل ەلەۋسىز قاراۋعا بولمايتىن نەگىزگى ساتىنىڭ ءىس جۇزىندىگى، ول ءار ادامنىڭ الدىندا شىنايى بولمىسىمەن كورىنىپ تۇر. تەك ماسەلەنى جەتەكشى ەتىپ، نەگىزگى ساتىعا ناقتاپ بارىپ، ناقتى جاعدايعا تەكسەرۋ جۇرگىزىپ، ناقتى شارالاردى جولعا قويىپ، شىن سويلەپ، ناقتى ىستەر تىندىرعاندا عانا، ءبىز ەكونوميكانى دامىتۋ، حالىق تۇرمىسىن قامتاماسىز ەتۋ، كەدەيلىكتەن قۇتىلدىرۋدان قامال الۋ سياقتى ءبىرسىپىرا ماسەلەلەردىڭ جاۋابىن تابا الامىز.   توننىڭ ىشكى باۋىنداي سۇيىسپەنشىلىك ايبىندى جاۋاپكەرلىك سەزىمى مەن بورىشتىلىق سەزىمى دەڭگەيىنە كوتەرىلدى: بۇكىل ەلدەگى ءار ۇلت حالقىنىڭ جاپپاي دوڭگەلەك داۋلەتتى بىرگە جۇزەگە اسىرۋىندا، تيانشاننىڭ وڭتۇستىگى مەن سولتۇستىگىنىڭ دە كەندە قالۋىنا بولمايدى! بۇقارانىڭ تۇرمىسىندا تاعى قانداي قيىنشىلىقتار بار؟ مەشەۋلىكتىڭ تامىرى قايدا؟ كەدەيلىك دەرتى قاي جەردە؟ كەدەيلىكتەن قۇتىلدىرۋدان قامال الۋ جولىن قالاۋ ءجۇرۋ كەرەك؟ پارتيا 19 - قۇرىلتايىنىڭ بايانداماسىندا العا قويىلعان «حالىقتىڭ تاماشا تۇرمىسقا دەگەن تالپىنىسى» تيانشاننىڭ وڭتۇستىگى مەن سولتۇستىگىندە قالاي جۇزەگە اسادى؟ شينجياڭداعى ءار ۇلت كادر - قىزمەتكەرلەر، ءسوزسىز، نەگىزگى ساتىنىڭ ءبىرىنشى شەبىنە ىشكەرىلەي بارىپ، جاڭا ءداۋىر جۇكتەگەن بۇل ماڭىزدى تاقىرىپتى سانالىلىقپەن ارقالاۋلارى كەرەك.   ناقتى جاعدايدى تەكسەرىپ، ناقتى ءىس ىستەپ، ناقتى ونىمدىلىككە تالپىندى. «تۋىستاسۋ اپتالىعى» قيمىلى «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ جەتىستىكتەرىن ايگىلەۋمەن قاتار «ۇيرەنۋ، بۇرىلىس جاساۋ، جەبەۋ» ارناۋلى قيمىلىن الدەقايدا ىشكەرىلەي تەرەڭدەتتى. بۇقارامەن ەتەنە ارالاسۋ، نەگىزگى ساتىعا ىشكەرىلەي بارۋ امالياتىندا، اناعۇرلىم كوپ كادر - قىزمەتشىلەر فورماشىلدىقتىڭ، تورەشىلدىكتىڭ، ستيلدەگى تۇرلاۋسىزدىقتىڭ، شارالاردى ناقتاپ تياناقتاندىرماۋدىڭ ءىس جۇزىندىك ماسەلەلەردى شەشە الماعانىمەن قويماي، پارتيانىڭ وبرازىنا دا نۇقسان جەتكىزگەنىن، باس نىسانانى جۇزەگە اسىرۋعا كەسە - كولدەنەڭ بولعانىن جەتە تانىدى. ولار مۇقياتتىلىقپەن بۇقارانىڭ ۇساق ىستەرىن وزدەرىنىڭ ۇلكەن ءىسى رەتىندە قاراپ، بۇقارانىڭ ارمان - تىلەگىن ءوزىنىڭ تالپىنىسى ەتىپ، مۇمكىندىكتىڭ بارىنشا بۇقارا ءۇشىن ناقتى ءىس ىستەپ، قيىن ماسەلەلەردى شەشىپ، تيىمدىلىك اكەلدى. اسىرەسە، وسى قيمىلدى كەدەيلىكتەن قۇتىلدىرۋدان قامال الۋمەن ءوزارا ۇشتاستىرىپ، كورىكتى اۋىل - قىستاق قۇرۋمەن، اۋىل - قىستاقتاردى كوركەيتۋ ستراتەگياسىن اتقارۋمەن ۇشتاستىرىپ، تەكسەرۋ - زەرتتەۋ جۇرگىزىپ، ساياساتتاردى ۇگىتتەپ، ءادىس - امال، شارا ويلاپ، ۇلگى جول قاراستىردى... جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە جەتىپ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋداي تاريحي بورىشتى سانالىلىقپەن ارقالادى.   (3)   شينجياڭ ماسەلەسىندەگى ەڭ قيىن، ەڭ ۇزاق بولاشاقتىق ماسەلە − ۇلتتار ىنتىماعى ماسەلەسى. ۇلتتار ىنتىماعى جاقسى بولسا، قوعام ورنىقتىلىعىنىڭ ىرگە تاسى مىعىم بولادى. «تۋىستاسۋ اپتالىعى» قيمىلى بىزگە ارالاسۋدى، ىشتەسۋدى، توعىسۋدى نىعايتۋ، «5 ورتاق تانىمدى» كۇشەيتۋ ۇلتتار ىنتىماعىن جەبەۋدەگى، قوعام ورنىقتىلىعىن قورعاۋداعى ماڭىزدى ءتۇيىن ەكەنىن ەسكەرتتى.   اۆتونوميالى رايوندىق پارتكومنىڭ «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىندە «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتۋدەگى ءتۇبىرلى ماقساتى − قوعام ورنىقتىلىعى مەن باياندى تىنىشتىقتى جەبەپ، باس نىسانانىڭ شينجياڭدا تەرەڭگە تامىر تارتۋىنا كەپىلدىك ەتۋ. جەبەلگەن - جەبەلمەگەنىندە ءتۇرلى شارالاردىڭ، ءتۇرلى قىزمەتتەردىڭ ونىمدىلىككە قول جەتكىزگەن - جەتكىزبەگەنىنە، ونىمدىلىكتىڭ كورنەكتى بولعان - بولماعانىنا، باس نىساناعا قاراي ىلگەرىلەگەن - ىلگەرىلەمەگەنىنە قاراۋ كەرەك. «تۋىستاسۋ اپتالىعى» قيمىلى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن اناعۇرلىم ىشكەرىلەي دايەكتىلەندىردى، تياناقتاندىردى، «ۇلتتار ىنتىماعىنىڭ بەرەكەلى شاڭىراعى» جانە «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ ءتۇرلى تالاپتارىن دايەكتىلەندىردى، تياناقتاندىردى. بۇل قيمىلعا قاتىناسقان كادرلار مەن قىزمەتشىلەر پارتيا 19 - قۇرىلتايىنىڭ رۋحى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندە نەگىزگى ساتىداعى بۇقاراعا قاراپايىم دا ۇعىنىقتى تىلمەن، قىزىقتى فورمالارمەن ۇگىت - لەكسيا جاسادى؛ بۇقارا شەشۋدى ەرەكشە ارماندايتىن، ەرەكشە قاجەت ەتەتىن، قازىر شەشۋگە بولاتىن ىستەردى مۇمكىندىكتىڭ بارىنشا شەشتى؛ باي مازمۇندى، تاربيەلىك ءمانى بار ءتۇرلى قيمىلداردى ورىستەتىپ، قىزمەتتى نەگىزگى ساتىداعى ءاربىر وتباسىنا، ءاربىر بۇقاراعا دەيىن تىڭعىلىقتى ىستەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن، ورتاق تانىمدى الدەقايدا كەڭ كولەمدە كۇشەيتىپ، ورتاق تانىم قالىپتاستىردى، جۇرت تىلەگىن مۇمكىندىكتىڭ بارىنشا كەڭ كولەمدە توعىستىرىپ، كۇشتەردى ۇيىستىردى.   كادرلار، جۇمىسشى - قىزمەتكەرلەر جۇرتشىلىقپەن بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ، ارالاسۋ، ىشتەسۋ، توعىسۋ بارىسىندا ءار ۇلت جۇرتشىلىعىنا دەگەن سۇيىسپەنشىلىگىن تەرەڭدەتۋمەن بىرگە، ءار ۇلت جۇرتشىلىعىنىڭ ورتاق تانىمىن كۇشەيتتى. قىسقى توقىراۋ كۇنى تيانشان تاۋىنىڭ وڭتۇستىگى مەن سولتۇستىگىندەگى قىستاقتارداعى، الەۋمەتتىك اۋماقتارداعى بارلىق وتباسىلار تەگىس ءتۇشپارا ءتۇيدى. كادرلار، جۇمىسشى - قىزمەتكەرلەر تۋىستارىنا 24 امال تۋرالى ايتىپ بەردى، ولاردىڭ قىسقى توقىراۋدا ءتۇشپارا جەگەننەن كۇن مەن ءتۇننىڭ كوكتەمگى تەڭەلۋى كەزىندە ناۋرىز كوجە ىشكەنگە دەيىن، بەرەكە مەن قۋانىشتى بەينەسى ءار قىرىنان ايگىلەندى...   ىنتىماقتىڭ العى شارتى − ورتاق تانىم. ۇلى وتان ورتاق تانىمى، جۇڭحۋا ۇلتى ورتاق تانىمى، جۇڭحۋا مادەنيەتى ورتاق تانىمى، جۇڭگو كوممۋنيستىك پارتياسى ورتاق تانىمى، جۇڭگوشا سوتسياليزم ورتاق تانىمى − جۇڭحۋا ۇلتى ۇلى شاڭىراعىنداعى 56 ۇلتتىڭ ءتۇپ تامىرى جانە رۋحاني جان دۇنيەسى. «تۋىستاسۋ اپتالىعى» قيمىلىنىڭ ءتۇبىرلى مازمۇنى − جۇڭحۋا ۇلتى ورتاق تۇلعاسىن تۇلعالاۋ، تامىردى بايلاپ، رۋحتى ساباقتاستىرۋ، ءار ۇلت جۇرتشىلىعىنىڭ اناردىڭ دانىندەي تىعىز ۇيسۋىنا مۇمكىندىك جاساۋ. كادرلار، جۇمىسشى - قىزمەتكەرلەر «تۋىستاسۋ اپتالىعى» قيمىلىندا تۋىستارىمەن جان - جاقتى وي ايقاستىرىپ، كوڭىل سىرلارىن ورتاقتاسىپ، كوكەيدەگىلەرىن بولىسەتىن ناقتى ارەكەتتەرى ارقىلى بۇقارانىڭ جۇرەگىنە جول تارتىپ، پارتيانىڭ قالاۋى مەن ەل تىلەۋىن بارىنشا جاناستىرىپ، بارىنشا ۇيىستىردى، «5 ورتاق تانىم» ادامداردىڭ كوكەيىنەن بارىنشا تەرەڭ ورىن الدى.   قىسقا عانا 20 كۇندىك ۋاقىتتا ءبىز اۋىل - قىستاقتارداعى جالىندى دا ارىندى بەينەنى بايقادىق، ءار ۇلت جولداستارى اراسىنداعى ەتەنە بايلانىس ورناتىپ، ءبىر - بىرىنە قارايلاساتىن سەلكەۋسىز سۇيىسپەنشىلىكتى بايقادىق، پارتيا مەن بۇقارانىڭ، كادرلار مەن بۇقارانىڭ قاتىناسىنىڭ بارىنشا نىعايۋ بەتالىسىن بايقادىق.   «تۋىستاسۋ اپتالىعى» قيمىلى ءار ۇلت كادر - جۇرتشىلىعى اراسىنداعى بارىپ - كەلىپ ەسەندىك سۇراسۋدان ەتەنە بايلانىس ورناتىپ ءوزارا سەنىم ارتۋعا ويىسۋىن جەبەدى، ۇلتتار ىنتىماعىن بارىنشا ىلگەرىلەتۋمەن بىرگە، كادرلاردىڭ، جۇمىسشى - قىزمەتشىلەردىڭ بورىشتىلىق سەزىمىن، جاۋاپكەرشىلىك سەزىمىن بارىنشا جەبەدى. «كەلەسى قادامدا ءبىز كۇش ۇستىنە كۇش قوسىپ، جاپا - ماشاقاتتان قورىقپاۋ، ۇلەس قوسۋعا پەيىل بولۋ، ەلدىڭ الدىندا ءجۇرۋ، ماڭىزدى جاۋاپكەرشىلىكتى باتىلدىقپەن ارقالاۋ رۋحىن ۇزدىكسىز ساۋلەلەندىرىپ، شىن جۇرەكپەن، شىن نيەتپەن بۇقارا ءۇشىن ناقتى ءىس، جاقسى ءىس ىستەپ بەرىپ، ءىس جۇزىندىك ارەكەتىمىز ارقىلى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اناعۇرلىم زور ۇلەس قوسامىز». ءبىر كادردىڭ وسى ءسوزى كوپشىلىكتىڭ جۇرەك ۇنىنە ۋاكىلدىك ەتەدى!   ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ ىرگە تاسى. شينجياڭنىڭ ورنىقتىلىقتى قورعاۋ قىزمەتىندە قاتىسسىز ءوڭىر، قاتىسسىز ورىن، قاتىسسىز ادام بولمايدى، ءاربىر ادام اۆتونوميالى رايوندىق پارتكوم العا قويعان «ءاربىر ادامنىڭ جاۋاپكەرشىلىگى بار، ءاربىر ادام جاۋاپكەرشىلىگىن ارقالاۋى ءتيىس، ءاربىر ادام جاۋاپكەرشىلىگىن تولىق ادا ەتۋى كەرەك» دەيتىن تالاپتى مۇقيات تياناقتاندىرىپ، وزىنەن باستاپ، كىشكەنتاي ىستەردەن باستاپ ىسكە كىرىسىپ، ءوز رولىن تولىق ساۋلەلەندىرۋى كەرەك. «تۋىستاسۋ اپتالىعى» قيمىلى قالىڭ كادرلاردىڭ، جۇمىسشى - قىزمەتكەرلەردىڭ وزدەرىنەن باستاپ ىسكە كىرىسىپ، ۇلتتار ىنتىماعىن نىعايتۋىنىڭ، قوعام ورنىقتىلىعىن قورعاۋىنىڭ جاندى امالياتى، ميلليونعا جۋىق كادردىڭ، جۇمىسشى - قىزمەتكەردىڭ «ۇلتتار ىنتىماعىن كوز قاراشىعىن قورعاعانداي قورعاۋىنداعى، ءومىرىن قادىرلەگەندەي قادىرلەۋىندەگى» ناقتى ارەكەتى. «تۋىستاسۋ اپتالىعى» قيمىلىندا ءاربىر پارتيالى كادر تۇگەلدەي ىنتىماقتىڭ ۇشقىنى سانالادى، ولار ءوزىنىڭ جارىعى مەن جىلۋى ارقىلى ماڭايىنداعى جۇرتشىلىقتىڭ جان سارايىن جارقىراتتى، شينجياڭنىڭ قوعام ورنىقتىلىعى مەن باياندى تىنىشتىعىنىڭ شۇعىلالى بولاشاعىن نۇرلاندىردى.
جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.
بىزبەن بايلانىس جارناما قىزمەتى لەبىز قالدىرۋ ءبىز تۋرالى